وەزارەتی بەرگری توركیا رایگەیاند، دوێنێ شەممە، فڕۆكەیەكی بێفڕۆكەوانی
نەناسراویان خستۆتە خوارەوە كە بۆ ماوەی شەش جار كایەی ئاسمانی توركیاو ناوچەی
قەڵغانی فوڕاتی ژێر دەستی هێزەكانی ئەو وڵاتەی لەسوریای بەزاندوە.
ئاوێنە: وەزارەتی بەرگری توركیا، ئەمڕۆ یەكشەممە، لەڕاگەیەندراوێكدا
بڵاویكردەوە، لە 28ی ئەیلول فڕۆکەیەکی بێفڕۆکەوان بۆ ماوەی شەش جار کایەی ئاسمانی
تورکیا، ناوچەی قەڵغانی فوڕات و رۆژئاوای شاری کلیس-ی تورکیای بەزاند.
لە راگەیەندراوەکەدا ھاتوە"بەهۆی ئەوەی ئەو فڕۆکە بێفڕۆکەوانە نەناسراو
بوە، لە لایەن دو فڕۆکەی جۆری F-16 ەوە کە لە بنکەی
سەربازیی ئەنجەرلیک ھەڵساون، کاتژمێر 01:24 خولەك(بەکاتی ناوخۆی تورکیا) کرایە
ئامانج."
ئەوەشی خستۆتەڕو"تیمەکانی جەندرمەی سەر بە پارێزگاکە پاشماوەی ئەو فڕۆکەکەیان
لە ناوچەی نێوان بنکەی سەربازیی چلدرئۆبا- ناوەندی حەوانەوەی کاتی بەشیریە دۆزیوەتەوە".