2019-12-11 2362
سیاسەتمەدار و ئەندامی پەڕلەمانی پێشووی عیراق، ڕەتیدەكاتەوە خۆی بۆ سەرۆكایەتی وەزیران كاندید بكات و دەڵێت، ''شەرەفمەند نیم ببمە سەرۆكی مەیمونەكان''.
ئاوێنه: عیزەت شابەندەر، سیاسەتمەداری عیراقی سەربەخۆ و ئەندامی پێشووی پەڕلەمان، لە تویتێكیدا لەسەر تۆڕی كۆمەڵایەتی تویتەر نووسیویەتی، ''لەنێو لافیتەی وێنەی كەسێتییەكاندا وێنەی من دانراوە و لەژێریا نووسراوە، ئەمە پێشتر لەلایەن (پاڵەوانانی چێشتخانەی توركییەوە ڕەتكراوەتەوە) لەكاتێكدا من كاندید نیم و خۆم كاندید نەكردووە''.
بە وتەی شابەندەر، ''شەرەفمەند نیم سەركردایەتی ئەو مەیمونانە بكەم، كە ئەو لافیتەیەیان داناوە و نووسراوەكەیان لەسەر نووسیوە و سەرەفمەند نیم بە سەركردایەتی ئەوانەش، كە فەرمانیان پێدەكات''.
هەروەها ئەو سیاسەتمەدارە عیراقییە كە بە نزیكی لە نوری مالكی، سەرۆكی دەوڵەتی یاسا دەناسرێت لە تویتەكەیدا نووسیویەتی، ''ئەوانە مافیان و ململانێ لەسەر دەسەڵات و گەندەڵی و كوشتن دەكەن، بۆیە شەرفمەند نییم سەركردایەتییان بكەم''.