سه‌در بۆ خۆپیشاندەران: لە خۆپیشاندان دژی‌ گه‌نده‌ڵی‌ به‌رده‌وام بن و ئێمه‌ له‌گه‌ڵتانین
  2020-01-16       332       
رێبه‌ری‌ ره‌وتی‌ سه‌در په‌یامێكی‌ ئاراسته‌ی‌ خۆپیشانده‌ران كرد و داوایكرد "لە خۆپیشاندان دژی‌ گه‌نده‌ڵی‌ به‌رده‌وام بن و ئێمه‌ له‌گه‌ڵتانین"

ئاوێنە: ئه‌مڕۆ پێنجشه‌ممه‌ موقته‌دا سه‌در رێبه‌ری‌ ره‌وتی‌ سه‌در له‌ تۆڕی‌ كۆمه‌ڵایه‌تی‌ تویته‌ر نووسی‌: "هاوڵاتیانی‌ عیراقی‌ و شۆڕشگێڕه‌ ئازاكان دژی‌ گه‌نده‌ڵی‌ به‌رده‌وام بن و ئێمه‌ له‌گه‌ڵتانین".

ئاماژه‌شی‌ به‌وه‌داوه‌ كه‌ "نیشتمان له‌گه‌ڵ‌ داگیركاریی نابێت، سه‌روه‌ری‌ له‌گه‌ڵ‌ گه‌نده‌ڵی نابێت، ئارامی‌ له‌گه‌ڵ‌ تیرۆر نابێت و ئازادی‌ له‌گه‌ڵ‌ توندڕه‌وی‌ نابێت".

ئاماژەی بەوەش داو "میانڕه‌وی‌ رێگامانه‌ و ئاشتی‌ ئامانجمانه‌ و سه‌روه‌ری‌ داواكاریمانه‌ و هه‌موو ده‌نگه‌كانی‌ توندوتیژی‌ و ملكه‌چبوون بێده‌نگ بن".

ئه‌م په‌یامه‌ی‌ سه‌در دوای‌ ئه‌وه‌ دێت دوێنێ‌ خۆپیشانده‌رانی‌ گۆڕه‌پانه‌كانی‌ به‌غدا رایانگه‌یاند كه‌ ره‌وتی‌ سه‌در هه‌ڵوێستی‌ به‌رامبه‌ر خۆپیشانده‌ران گۆڕیوه‌ و پشتی تێكردوون و به‌وهۆیه‌وه‌ كێشه‌ی‌ كه‌می‌ خواردن و خواردنه‌وه‌یان بۆ دروست بووه‌.



زۆرترین بینراو
© 2018 Awene Online, Inc. All Rights Reserved.
×