سه‌ركرده‌ی باڵای ره‌وتی سه‌در تا كاتێكی نادیار له‌نێو ره‌وته‌كه‌ سڕکرا
  2020-01-26       709       

ئه‌سعه‌د ناسڕی، دیارترین سه‌ركرده‌ی باڵای ره‌وتی سه‌در و نزیك له‌سه‌در، بڕیاره‌كانی موقته‌دا سه‌در جێبه‌جێناكات و نووسینگه‌ی سه‌دریش رایده‌گه‌ێنێ كه‌ناوبراو تا كاتێكی نادیار له‌نێو ره‌وته‌كه‌ سڕ ده‌كرێت.

ئاوێنه‌: دوێنێ هێزه‌ ئه‌منییه‌كان له‌ هه‌وڵی ئه‌وه‌دان بوون خۆپیشانده‌ران له‌سه‌ر پردی فه‌هد له‌رۆژئاوای ناسرییه‌ بڵاوه‌پێبكه‌ن و دووباره‌ رێگه‌ی خێرای نێوان پارێزگاكانی باشوور و به‌غدای پایته‌خت بكه‌نه‌وه‌ و به‌و هۆیه‌وه‌ رووبه‌ڕووبوونه‌وه‌ له‌نێوانیاندا روویداو سێ كوژراو و 10 برینداری لێكه‌وته‌وه‌.

له‌مباره‌یه‌وه‌ نووسینگه‌ی ره‌وتی سه‌در له‌راگه‌یه‌نراوێكیدا بڕیاریدا كه‌ ئه‌ندامێتی ئه‌سعه‌د ناسڕی، سه‌ركرده‌ی دیاری ره‌وته‌كه‌  سڕبكات، چونكه‌ ناوبراو نوێنه‌رایه‌تی خۆپیشاندانه‌كانی ناسڕییه‌ی كردووه‌ و له‌تۆڕه‌ كۆمه‌ڵایه‌تییه‌كان زیاده‌ڕۆیی كردووه‌.

نووسینگه‌ی سه‌در له‌راگه‌یه‌نراوێكیدا داوای له‌ناسڕی كردووه‌ كه‌به‌لای شۆرشگێرانی ناسڕییه‌دا نه‌چێت و لێگه‌ڕێی با ئه‌وان به‌ ئه‌رێنی و نه‌رێنی بڕیار له‌چاره‌نووسی خۆیان بده‌ن.

هه‌روه‌ها له‌ راگه‌یه‌نراوه‌كه‌ی نووسینگه‌ی سه‌در هاتووه‌ كه‌ ئه‌سعه‌د ناسری له‌ئێستاوه‌ تا كاتێكی نادیار به‌هۆی پابه‌ند نه‌بوون به‌ بڕیاره‌كانی ره‌وه‌ته‌كه‌ سڕكراوه‌.

زۆرترین بینراو
© 2018 Awene Online, Inc. All Rights Reserved.
×