بارەگای بارزانی رایگەیاند، ئەمساڵ رێوڕەسمی یادەكانی لەدایكبون و مردنی مستەفا بارزانی بەڕێوەناچن، بەهۆی ئەو بارودۆخە تایبەتەی كە لەدوای بڵاوبونەوەی ڤایرۆسی كۆرۆنا لە ناوچەكەو وڵاتانی دەوروبەری عێراق هاتۆتە ئاراوە.
ئاوێنە: بارەگای بارزانی، ئەمڕۆ چوارشەممە، لەبەیاننامەیەكدا رایگەیاند، بەهۆی ئەو بارودۆخە تایبەتەی لەدوای بڵاوبونەوەی ڤایرۆسی كۆرۆنا لە ناوچەكەو وڵاتانی دەوروبەری عێراق و هەندێ شوێنی جیهان هاتوەتە ئاراوەو لەپێناو پاراستنی تەندروستیی گشتیی خەڵك، پێمان باشە كە ئەمساڵ ڕێوڕەسمی جەماوەریی یادەكانی مردن و لەدایكبونی مستەفا بارزانی ئەنجام نەدرێت.
وتوشیەتی"تەندروستیی هاووڵاتیان لە هەمو شتێك گرنگترە."