2020-03-26 366
وەزارەتی تەندرووستی ئێران رایگەیاند، ٣٠ فەرمانبەری بانکەکانی ئێران لە کاتی کارکردن بەهۆی ڤایرۆسی کۆڕۆناوە گیانیان لەدەستداوە.
ئاوێنه: بەپێی روونکردنەوەی وەزارەتی تەندرووستی ئێران، ئەمڕۆ پێنجشەممە ١٥٧ حاڵەتی مردن و ٢ هەزارو ٣٨٩ حاڵەتی توشبوون بە ڤایرۆسی کۆڕۆنا تۆمارکراوە کە سەرجەمیان لە ٢٤ کاتژمێری رابردوو تۆمارکراون.
هاوکات وەزارەتی ناوبراو رایگەیاندووە کە ژمارەی توشبووان بە ڤایرۆسی کۆڕۆنا بۆ ٢٩ هەزار و ٤٠٦ کەس بەرزبووەتەوە و ٢ هەزار و ٢٣٤ کەسیش گیانیان لەدەستداوە، لەبەرامبەر ئەمەدا ١٠ هەزار و ٤٥٧ کەسیش چاکبوونەتەوە.