وەزارەتی تەندروستی حكومەتی هەرێمی كوردستان تۆماركردنی حەوت حاڵەتی نوێی توشبون
بە كۆرۆنای لە پارێزگای سلێمانی راگەیاند كە چوار توشبویان دانیشتوی نێو شاری سلێمانین
و سێ توشبوەكەی تر دانیشتوی ناحیەی بازیانن.
ئاوێنە: وەزارەتەكە، ئەمشەو شەممە، لە راگەیەندراوێكدا ئاشكرایكرد: لە بەردەوامی
پشکنینەکان و گەڕان بەدوای گومانلێکراوان، حەوت توشبوی دیکەی کۆرۆنا لە پارێزگای سلێمانی دەستنیشانکران.
بەگوێرەی راگەیەندراوەكە توشبوەكان پێكدێن لە: چوار ئافرەتی تەمەنەکانی 55
و 41 و 22 و 17 ساڵ و پیاوێکی تەمەن 45 و کوڕێکی گەنجی تەمەن 18 ساڵ و کوڕێکی منداڵ
تەمەن 10 ساڵان.
وەزارەتی تەندروستی ئاماژەی بەوەشداوە كە لەو توشبوە نوێیانە، چوار توشبویان
دانیشتوی شاری سلێمانین و سێ توشبوەکەی تر دانیشتوی ناحیەی بازیانن.