كۆسرهت رهسول
عهلی، جێگری سكرتێری گشتی یهكێتی رایگهیاند، كه ههر لهسهرهتای گفتوگۆكانی
پێكهێنانی كابینهی نوێی حكومهتی ههرێمهوه، حزبهكهی پێداگری لهسهر شهراكهتی
راستهقینهی نێوان لایهنهكان كردوه.
ئاوێنه: بهپێی راگهیهندراوێكی نوسینگهكهی، نیوەڕۆی ئەمڕۆ شەممە ٢٠/٤/٢٠١٩ لە شاری سلێمانی،
كۆسرەت ڕەسول عەلی جێگری سكرتێری گشتی یەكێتی نیشتمانی كوردستان پێشوازی كرد لە هاكان
كەرەجای كونسوڵی گشتی توركیا لە هەرێمی كوردستان و وەفدی هاوڕێی.
لە دیدارێكدا گفتوگۆكرا لەبارەی پەیوەندییەكانی
نێوان هەرێمی كوردستان و توركیا، هەردولا هاوڕابون كە پێویستە پەرە بە پەیوەندییەكانی
نێوان هەردولا بدرێ و هەماهەنگی و هاوكاری زیاتر لەنێوانیان هەبێت.
دۆخی هەرێمی كوردستان و گفتوگۆكانی پێكهێنانی
كابینەی نوێی حكومەتی هەرێمی كوردستان تەوەرێكی تری دیدارەكە بو، جێگری سكرتێری گشتی
تیشكی خستەسەر پلان و بەرنامەی یەكێتی بۆ حوكمڕانی و جەختی لەوە كردەوە كە یەكێتی لەسەرەتای
گفتوگۆكان پێداگری جدی كردوە لەسەر شەراكەتی ڕاستەقینەی نێوان لایەنەكان و پێشكەشكردنی
باشترین خزمەتگوزاری بەهاونیشتمانیان.
لای خۆیەوە كونسوڵی توركیا لەهەرێمی كوردستان
هیوای خواست لە ئایندەیەكی نزیكدا كابینەی تازەی حكومەت پێكبێت و سەرجەم لایەنە براوەكان
ڕۆڵی دیارو بەرچاویان هەبێ لە حوكمڕانی كوردستاندا.
لە دیدارەكەدا جێگری سكرتێری گشتی و كونسوڵی توركیا
لەهەرێمی كوردستان گفتوگۆیان كرد لەبارەی پەیوەندییەكانی نێوان هەرێمی كوردستان و بەغدا
و دوپاتیان كردەوە كە پێویستە پەیوەندییەكی پتەو لەسەر بنەمای دەستوری عێراق و تێگەیشتنی
هاوبەش لەنێوان هەردولا هەبێ