بەرێوەبەرایەتی پۆلیسی دارستان‌و ژینگەی سلێمانی رایدەگەیەنێت مەفرەزەكانیان لەسنوری "گاپیڵۆن" دەستیان بەسەر 20 فەردە خەڵوزدا گرتوە، داواش لەگوندنشینان دەكات پابەندی رێنماییە ژینگەییەكان بن.
ئاوێنە: ئەمرۆ "سێ شەممە" بەرێوەبەرایەتی پۆلیسی دارستان‌و ژینگەی سلێمانی راگەیەنراوێكی بڵاوكردەوە كە تێیدا هاتوە " لەئەنجامی دەرچونی مەفرەزەیەکی بنکەی پۆلیسی دارستانی گاپیڵۆن بەهاوبەش لەگەڵ پۆلیسی دارستانی ماوەت بۆ گوندی (کۆلەد) لەپێناو پاراستنی سنورەکە توانیان دەست بگرن بەسەر (20) بڕدارو (20) فەردە خەڵوزدا کە خاوەنەکەی نادیاربو .
راگەیەنراو
لە سنوری گاپیڵۆن دەست بەسەر (20) فەردە خەڵوزدا گیرا
خۆشەویستی بۆ سروشت و ژینگەی کوردستان بەجۆرێک لەناخی ئەفسەر و کارمەندانی پۆلیسی دارستان ڕەنگی داوەتەوە کە هەمیشە و لە هەوڵ و ماندووبوندان بۆ پاراستنی دارستانەکان ، لەو چوارچێوەیەدا لە سنوری گاپیڵۆن دەستگیرا بەسەر (20) فەردە خەڵوزدا .
لەئەنجامی دەرچونی مەفرەزەیەکی بنکەی پۆلیسی دارستانی گاپیڵۆن بەهاوبەش لەگەڵ پۆلیسی دارستانی ماوەت بەسەرپەرشتی (ملازم 1/ زانا گاهر) دەرچون بۆ گوندی (کۆلەد) لەپێناو پاراستنی سنورەکە توانیان دەست بگرن بەسەر (20) بڕدارو (20) فەردە خەڵوزدا کە خاوەنەکەی نادیاربوو .
یێویستە گوند نشینە بەڕێزەکان پابەند بن بەڕێنماییەکانی پۆلیسی دارستان لە پێناو پارێزگاریکردن لە سروشت و ژینگەی کوردستان .
