سیریل ناون، باڵیۆزی ئەڵمانیا لەعێراق،
ژمارەی سەربازانی وڵاتەكەی لەعێراق ئاشكرادەكات و دەشڵێت، هەر كاتێك حكومەتی عێراق
داوایان لێ بكات ئەوا هێزەكانیان دەستبەجێ دەكشێننەوە.
ئاوێنە: سیریل ناون، ئەمڕۆ پێنجشەممە، بە
ماڵپەڕی سومەریەنیوز-ی راگەیاند"ئەو هێزە ئەڵمانیەی لەعێراقە، هێزێكی شەڕكەر
نییە، بەڵكو لەسەر داوای حكومەتی عێراق هاتوە...بۆ هاوكاریكردنی هێزە چەكدارەكانی
عێراق و مەشقپێكردنیان لە بوارە سەربازی و پزیشكی و لۆجیستییەكان و هەروەها بۆ
خۆپاراستنیان لە چەكی كیمیایی."
ئاشكراشكیرد
كە ژمارەی سەربازانی ئەڵمانیا لەعێراق 150 سەربازەو نیوەیان لە تاجی-ن و ئەوانی
دیكەشیان لە هەولێرن.
ئەوەشی خستۆتەڕو
كە هێزەكانیان لەچوارچێوەیەكی یاسایی كە لەلایەن حكومەتی عێراقییەوە دیاریكراوە
كاردەكەن و جەختیشی كردەوە كە ئەگەر حكومەتی عێراق داوایان لێ بكات بكشێنەوە، ئەوا
دەستبەجێ دەكشێنەوە.