"رۆژانە سەدان تەن كاڵا بەبێ گومرگ داخڵی هەرێم دەكرێت"
  2019-07-29       572       

سەرۆكی فراكسیۆنی گۆڕان لەپەرلەمانی كوردستان ئاشكرایدەكات لە خاڵە سنورییەكانی هەرێم رۆژانە سەدان تەن كاڵا بەبێ دانی گومرگ داخڵ دەكرێت بە بیانوی ئەوەی ترانزێتەو بۆ سوریا دەچێت لەكاتێكدا بۆ ناوخۆ بەكاردەهێنرێت، یاخود لەگومرگ دەبەخشرێن. دەشڵێت؛ بەرپرسانی باڵا لەپشت ئەو كارەوەن.

ئاوێنە: عەلی حەمەساڵح، سەرۆكی فراكسیۆنی گۆڕان لەپەرلەمانی كوردستان، ئەمڕۆ دوشەممە، لەنوسینێكدا لەلاپەڕەی خۆی لەفەیسبوك، رایگەیاند"ئه‌م تاڵانیه‌ش ده‌بێت ڕابگیرێت."

عەلی حەمەساڵح هێمای بۆ ئەوەش كردوە كە بەرپرسانی باڵا لە پشت ئەو "گەندەڵییە قێزەون"ەوەن كە نەدانی دەیان ملیۆن دیناری گومرگەو وتوشیەتی"به‌ چه‌ند ڕێگایه‌کی جیاواز به‌رپرسانی باڵا له‌ پشت بازرگانی و خۆدزینه‌وه‌وەن له‌ گومرگ. ڕۆژانه‌ سه‌دان ته‌ن، کاڵا داخڵ ده‌کرێت به‌بێ گومرگ."

سەرۆكی فراكسیۆنی گۆڕان وتوشیەتی"کاڵایه‌کی زۆر داخڵده‌کرێت (به‌تایبه‌ت شیش و هێلکه‌،) ده‌ڵێن: ترانزێته‌وبۆ سوریا، من یه‌ک مانگه‌ سه‌رقاڵی به‌دواداچونم، هه‌مو ئه‌م کاڵایانه‌ بۆ ناوخۆیه‌و بۆ خۆدزینه‌وه‌ له‌ گومرگ ئەوە ده‌کرێت."

وتوشیەتی"رۆژانه‌ هه‌زاران ته‌ن شیش داخڵده‌کرێت، ته‌نی شیش گومرگی ٩٠ دۆلاره‌، به‌ڵام یان عه‌فوده‌کرێن یان به‌ درۆ ده‌ڵێن: بۆ سوریا ده‌چێت و ترانزێته‌و‌ گومرگ نادرێت."
ئاشكراشیكردوە"ئه‌و عه‌فوه‌ی ته‌نیا به‌ یه‌ک نوسراو کراوه‌ بایی چوار ملیۆن دۆلارە."

جەختیشی كردۆتەوە"عه‌فوی گومرگی له‌سه‌رجه‌م خاڵه‌ سنورییه‌کان هه‌یه‌و ئه‌مه‌یه‌ وای کردوه‌ داهاتی گومرگ که‌م بێت."

عەلی حەمەساڵح ئاشكرایكردوە كە کۆی‌ ئه‌م دۆسیەیە‌ خراوه‌ته‌ به‌رده‌ست وه‌زیری دارایی و لای خۆیەوە له‌ هه‌وڵدایە‌ بۆ ڕێگری جدی له‌م "تاڵانییه"‌و پێویستیشی به‌ پشتیوانی سه‌رۆکی حکومه‌ت و جێگره‌که‌یه‌تی."

بەپێی قسەی عەلی حەمەساڵح "سه‌رۆکی حکومه‌تیش بڕیاره‌ هاوکار بێت."

زۆرترین بینراو
سه‌رۆك وه‌زیرانى ئیسرائیل هه‌ڕه‌شه‌ له‌عێراق ده‌كات
جەهەپە: ئاکەپە ئامادەکاری دەکات سەرۆک شارەوانییەکانی ئیستەنبوڵ‌و ئەنقەرەش دوربخاتەوە
یەکێتی ئەوروپا: لابردنی سێ سەرۆک شارەوانییەکە سه‌لماندی دیموكراسی له‌توركیا بونی نییه‌
عومەر بەشیر لەنێو قەفەس دادگا: ٢٥ ملیۆن دۆلارم لە محەمەد بن سەلمان وەرگرتووە
فازڵ میرانی: ڕێگە نادەین لەهەرێمی کوردستانەوە هەڕەشە لەئاسایشی ئێران بکرێت
كشتوكاڵی سلێمانی سزای‌ 27 فه‌رمانبه‌ری‌ دا له‌سه‌ر ئه‌وه‌ی‌ پابه‌ندنه‌بوون به‌كاتی ده‌وامكردنه‌وه‌
سوپای سوریا لە ئاسمانەوە هێرشی کردە سەر کاروانێکی سەربازی سوپای تورکیا
وتەبێژی حكومەتی هەرێم: ئامادەین داهاتی 250 هەزار بەرمیل نەوتی رۆژانە رادەستی بەغدا بكەین
پۆلیسی تورکیا هێرشی کردە سەر خۆپیشاندەرانی دیاربه‌كر
مه‌سرور بارزانی‌ داوا له‌وه‌زیره‌كانی‌ كابینه‌ی‌ نۆیه‌م ده‌كات فۆڕمی‌ ئاشكراكردنی‌ سامانه‌كه‌یان پڕبكه‌نه‌وه‌
© 2018 Awene Online, Inc. All Rights Reserved.
×