خانەوادەكەی چاویان بە عەبدوڵا ئۆجەلان كەوت
  2019-08-12       965       

عەبدوڵا ئۆجەلان، ڕێبەری زیندانیكراوی پەکەکە و گیراوانی دیکەی ئیمرالی، ئەمڕۆ دوشەممە چاویان بە خانەوادەکانیان کەوت.

ئاوێنە: ڕۆژی ٩ی ئەم مانگە هەریەکە لە محەمەد ئۆجەلان، برای عەبدوڵا ئۆجەلان ڕێبەری پەکەکە و پارێزەر مەزڵوم دینچ پارێزەری ڕێگەپێدراوی بنەماڵەی ئۆجەلان، بۆئەوەی بەبۆنەی جەژنەوە سەردانی ئیمراڵی بکەن سەردانی داواکاری گشتیی کۆمارییان لە بۆرسا کرد و بۆ ئەو مەبەستەش ئەمڕۆ خانەوادەی ئۆجەلان لە ئیمرالی چاویان بە عەبدوڵا ئۆجەلان، کەوت.

نوسینگەی مافەکانی ئەسرین، لە بارەی چاوپێکەوتنەکان لە سەرتۆڕی کۆمەڵایەتی تویتەر راگەیاندراوێکی بڵاوکردەوە و نوسیویەتی"موەکیەلەکانی ئێمە بەڕێزعەبدوڵا ئۆجەلان، بەڕێزعومەرخەیری کونار، بەڕێز حامیلی یڵدرم و بەڕێز ڤەیسێ ئاکتاش لە بەندیخانەی ئیمڕالی ئەمڕۆ لەچوارچێوەی دیداری بنەماڵەکانیاندا چاویان بە خانەوادەکانیان کەوت".

نوسینگەی مافەکانی ئەسرین، هیچ زانیارییەکی تری لە بارەی دیدارەکە بڵاونەکردوەتەوە.

زۆرترین بینراو
© 2018 Awene Online, Inc. All Rights Reserved.
×