2020-01-16   708     
بەرپرسێكی هێزەكانی حەشدی شەعبی، هەڕەشە لە خۆپیشاندەرانی عێراق دەكات و گۆڕەپانی خۆپیشاندانەكانیش بە گۆڕەپانی بەدڕەوشتی وەسفدەكات، راشیدەگەیەنێت، ئەو گۆڕەپانانە بە تەواوی دادەخەین كە بوونەتە شوێنی سیخوڕیكردن و بەرەڵایی.
ئاوێنە: عەلی حوسەینی، بەرپرسی پەیوەندییەكانی میحوەری باكووری حەشدی شەعبی، لە گرتەیەكی ڤیدیۆیی، كە ئەمڕۆ ١٥-١-٢٠٢٠، بڵاویكردووەتەوە، هێرشێكی توند دەكاتە سەر خۆپیشاندەرانی عیراق و بە سیخوڕ و كرێگرتەی داگیركەران وەسفیان دەكات.
راشیدەگەیەنێت: رۆژی هەینی ئێمە بەشداری لە خۆپیشاندانی ملیۆنی دەكەین و داوای دەركردنی هێزە بیانییەكان دەكەین، دەبێ هێزی داگیركەر لە وڵات دەربكەین، ئەوانەشی بەمە رازی نین، با بڕۆن و وڵات جێ بهێڵن.
بەرپرسەكەی حەشدی شەعبی، خۆپیشاندەرانی گۆڕەپانی تەحریرو گۆڕەپانەكانی دیكەی عیراق، بە كەسانی نزم و پەروەردەكراوی بەعس وەسفدەكات و دەشڵێت، چیتر عیراق جێگەی سیخوڕ و ئەو بەدڕەوشتانە نابێتە كە لە گۆڕەپانەكاندا خۆپیشاندان دەكەن.