وەزارەتی نەوتی عێراق بڕی هەناردەو داهاتی نەوتی بۆ مانگی رابردو بڵاوكردەوەو دەڵێت، داهاتی نەوت لە مانگی كانونی دوەمی ئەمساڵدا زیاتر لە 8 ملیار دۆلار بوە.
ئاوێنە: وەزارەتی نەوتی عێراق، ئەمڕۆ هەینی، لە راگەیەندراوێكدا وتی، بەگوێرەی ئامارە سەرەتاییەكانی كۆمپانیای سۆمۆ، لە مانگی رابردودا 103 ملیۆن و 508 هەزارو 438 بەرمیل نەوت هەناردە كراوە.
ئەوەشی خستۆتەڕو، داهاتی نەوتی هەناردەكراو لە مانگی رابردودا گەیشتۆتە 8 ملیارو 25 ملیۆن و 616 هەزار دۆلار.
بەپێی راگەیەندراوەكە، تێكڕای هەناردەی رۆژانەی نەوت لە مانگی كانونی دوەمدا، 3 ملیۆن و 338 هەزارو 982 بەرمیل بوە.
ئاماژەی بەوەشداوە، تێكڕای نرخی یەك بەرمیل نەوت لەو مانگەدا 77.536 دۆلار بوە.