دەربارەی چۆڵكردنی باڵەخانەی باڵۆزخانەی وڵاتەكەیان لە عێراق، وەزارەتی دەرەوەی ئەمریكا روونكردنەوە دەدات.
وتەبێژی وەزارەتی دەرەوەی ئەمریكا، لە بەیاننامەیەكی بڵاویكردەوە:" سەلامەتی كارمەندە ئەمریكییەكانمان لە هەموو شتێك گرنگترە، بەڵام دەنگۆی چۆڵكردنی باڵەخانەی باڵۆزی وڵاتەكەمان لە عێراق دوورە لە راستییەوە".
ئاماژەی بەوەشكردووە:" لە 20ی تشرینی یەكەمدا بەهۆی هێرشە بەردەوامەكانەوە داوامان لە فەرمانبەران و ئەندامانی خێزانەكانی سەر بە باڵۆزخانەی وڵاتەكەمان لە بەغدا و كونسوڵخانەی گشتی لە هەولێر كرد ئەركەكانیان بوەستێنن، ئەمەش بەهۆی زیادبوونی هەڕەشە ئەمنییەكان لەسەر كارمەندان و بەرژەوەندییە ئەمریكییەكان".
ئەوەشی ئاشكراكردووە:" پاش ئەم هەنگاوە كارمەندان گەڕاونەتەوە سەر كارەكیان نەك باڵۆز و كۆنسوڵخانە بە تەواوەتی چۆڵكرابێت و ئەو هەواڵانەشی باس لەو هەنگاوە دەكەن بە تەواوەتی رەت دەكەینەوە".