بەهۆی پێشبینی بارانی بەهێزو نالەباری كەشوهەوا، سبەی چوارشەممە لە پارێزگای دهۆك كرایە پشوی رەسمی.

ئاوێنە: عەلی تەتەر، پارێزگاری دهۆك، كەمێك لەمەوبەر لە راگەیەندراوێكدا وتی، بەهۆی بارانبارینی بەهێز و لەپێناو پاراستنی گیانی هاوڵاتیان سبەی چوارشەممە 2ی 3ی 2024 لە سەرتاسەری پارێزگای دهۆك، پشوی رەسمی دەبێت.

ئەوەشی خستۆتەڕو، پشوەكە تیمەكانی بەرگری شارستانی، پۆلیس، ئاسایش، كۆچ و كۆچبەران، فریاكەوتنی تەندروستی، فەرمانگەكانی بەنداوەكان و تیمەكانی شارەوانی، ناگرێتەوە.

پارێزگاری دهۆك داواشی لە هاوڵاتیان كردوە بۆ پاراستنی گیانی خۆیان و كەسوكارییان لە ماڵەكانیان نەینە دەرەوە تا لایەنە پەیوەندیدارەكانی لەكاتی فریاگوزاریدا بتوانن بە باشی كارەكانیان ئەنجام بدەن.

بەهۆی باران بارینی بەهێزەوە ئەمڕۆ دوشەممە، لافاو لە چەندین ناوچەی دهۆك دروست بو و بەهۆیەوە زیانی گیانی و ماددی لێكەوتەوە.

بەگوێرەی دوایین ئامارەكان كە لەلایەن بێوار عەبدولعەزیز، وتەبێژی شارەوانی دهۆكەوە خراونەتەڕو، بەهۆی لافاوەوە 2 كەس گیانیان لەدەستداوە، 11 كەس برینداربون، 150 خانو بەر لافاو كەوتون، زیان بە 50 ئۆتۆمبێل گەیشتوەو 120 كەسیش رزگاركراون.