هێزە ئەمنییەکانی عێراق دەروازەکانی ناوچەی سەوزی بەغدایان داخست و لە هەڵمەتێکدا ژمارەیەک بەرپرس و پەرلەمانتاریان دەستگیر کرد.
ئاوێنە: بەرەبەیانی ئەمڕۆ یەکشەممە، هێزەکانی دژە تیرۆری عێراق هەڵمەتێکی ئەمنییان بۆ دەستگیرکردنی ژمارەیەک کەسایەتی ئەنجام دا کە لە تۆمەتی گەندەڵی دارایی و کارگێڕییەوە تێوەگلاون.
چەند سەرچاوەیەکی عێراقی بڵاویان کردەوە هەشت کەس کە بەرپرس و پەرلەمانتار و بازرگانن لە هەڵمەتەکەدا دەستگیرکراون.
ڕۆژنامەنووسێکی عێراقیش ڕایگەیاند، ئەوانەی دەستگیرکراون پێکهاتوون لەم کەسایەتییانە؛
عالیە نوسەییف، موسەنا سامەڕائی، محەمەد کەربولی، محەمەد سەیهود، ئیبراهیم سومەیدەعی، حەسەن خەفاجی، سەیفەدین سەباح، موزهیر کەڕوی، محەمەد فەرمان، بەهائـ نوری و عەلائـ سوککەر.