باڵیۆزخانه‌ی ئه‌مریكا له به‌غدا داوا له هاوڵاتیانی ئه‌مریكی له عێراق ده‌كات وریابن و ده‌شڵێت، دروستبونی كێشه بۆ گه‌شتكردن و داخستنی ئاسمانی عێراق، شتێكی چاوه‌ڕوانكراوه.
ئاوێنه: باڵیۆزخانه‌ی ئه‌مریكا له به‌غدا، ئه‌مڕۆ پێنجشه‌ممه، له راگه‌یه‌ندراوێكدا وتی، دوای ئەو هێرشە درۆنییەی لەلایەن هێزەکانی سەر بە ئێرانەوە كرایە سەر هەولێر، ئامۆژگاری هاوڵاتیانی ئەمریکی لە عێراق دەکرێت لەوپەڕی وریاییدابن و چاودێری میدیا ناوخۆییەکان بکەن و پابەندبن بە ڕێنماییەکانی دەسەڵاتە خۆجێییەکانەوە.
ئه‌وه‌شی خستۆته‌ڕو، دروستونی كێشە بۆ گەشتكردن و داخستنی ئاسمانی عێراق چاوەڕوانكراوە لە هەرکاتێکدا روبدات.
باڵیۆزخانەکە داواشی لە هاوڵاتیانی ئەمریکی کردوە گەشت بۆ عێراق نەکەن بەهۆی مەترسییەکانی تیرۆرو رفاندن و ململانێی چەکداری و نائارامی مەدەنی، وێڕای سنورداریی توانای حکومەتی ئەمریکا بۆ پێشکەشکردنی خزمەتە فریاگوزارییەکان.