کریستیانۆ ڕۆناڵدۆ دوای ناکۆکی لەگەڵ ڕاهێنەری پۆرتوگال رووبەڕووی سزایەکی شەش مانگی دەبێتەوە
  2026-10-10     

کریستیانۆ ڕۆناڵدۆ دوای ناکۆکی لەگەڵ ژۆرژ ژێسوس، سەرپەرشتیاری پۆرتوگال، سەبارەت بە بەڵێنی بەشداری لە یارییەکدا، یانەی هەڵبژاردەی نیشتمانیی پۆرتوگالی بەجێهێشت و ڕووبەڕووی سزایەکی کاتیی ٢٠ ڕۆژە بووەوە. بەپێی یاسای فیدراسیۆنی تۆپی پێی پۆرتوگال بەجێهێشتنی یانە بەبێ هۆکاری قبوڵکراو، پێشبینی سزایەکی شەش مانگی بۆ ناوبراو دەکرێت.

 

ئاوێنە: لیژنەی ڕەفتاریی فیدراسیۆنی تۆپی پێی پۆرتوگال ڕایگەیاندووە کە بەدوای بەجێهێشتنی یانەی هەڵبژاردەی نیشتمانی لەلایەن کریستیانۆ ڕۆناڵدۆوە لە کۆپنهەگنی دانمارک، لێکۆڵینەوەیەکی ڕەفتاری دەربارەی هەڵسوکەوتی کاپیتانی (سەرۆکی تیم) تیمەکە دەستیپێکردووە. ڕۆناڵدۆ تا کاتی پێداچوونەوە بە پەڕاوەکەی، بە شێوەیەکی کاتی لە بەشداری لە چالاکییەکانی هەڵبژاردەی نیشتمانی قەدەغە کراوە.

هۆکاری ڕووداوەکە دەگەڕێتەوە بۆ ناکۆکیی ڕۆناڵدۆ لەگەڵ ژۆرژ ژێسوس، ڕاهێنەری هەڵبژاردەی نیشتمانیی پۆرتوگال. پێش یاریی پۆرتوگال بەرامبەر دانمارک، ڕۆناڵدۆ بەهۆی دانیشتن لەسەر کورسیی یەدەگ و بەشدارینەکردن لە یاریی پێشووی دژی نەرویج، لەگەڵ ڕاهێنەرەکەی تووشی مشتومڕ بوو.

بە گوتەی ڕۆناڵدۆ، ژێسوس بەڵێنی پێدابوو کەلە یاریی بەرامبەر نەرویجدا لانیکەم بۆ ماوەی ٣٠ خولەک دەرفەتی یاریکردنی دەبێت؛ بەڵێنێک کە جێبەجێنەکرا.

کاپیتانی پۆرتوگال کە هەستی دەکرد ڕاهێنەرەکە بەڵێنەکەی جێبەجێ نەکردووە، لە ٣٠ی ئەیلوول یانەی هەڵبژاردەی نیشتمانیی بەجێهێشت. ئەو لە پەیامێکدا لە هەژماری ئینستاگرامی خۆیدا، لەگەڵ ڕاگەیاندنی ئەم بڕیارە، بەڵێنی دا کە "لە کاتی گونجاودا" ڕاستیی ڕووداوەکە و هۆکارەکانی جێهێشتنی لەناکاوی بۆ "هەموو خەڵکی پۆرتوگال". ئاشکرا بکات.
 

زۆرترین بینراو
ئێران هەڵوێستی خۆی لەسەر کاراکردنەوەی پەرلەمانی کوردستان و کشانەوەی یەکێتی لە حکومەت ڕاگەیاند
مەسعود بارزانی داوای کۆبوونەوەی ڕاستەوخۆی پارتی و یەکێتی دەکات
دانەغاز:به‌رهه‌مهێنان بەشێوەیەکی کاتی له‌ كۆرمۆر هەڵپەسێردرا
كۆبونه‌وه‌ی زه‌یدی و مه‌سرور بارزانی: جه‌خت له‌ گه‌ره‌نتی به‌رده‌وامی خه‌رجكردنی موچه‌ی هه‌رێم كرایه‌وه‌
عێراق هه‌واڵی سه‌ردانه‌ نهێنییه‌كه‌ی زه‌یدی بۆ تاران پشتڕاست ده‌كاته‌وه‌
وته‌بێژی پارتی: ئاماده‌ین بۆ گفتوگۆ و كۆبونه‌وه‌ له‌گه‌ڵ برایانی یه‌كێتی
لە چەکی ئەتۆمییەوە بۆ هێرشی وشکانی؛ چوار سیناریۆی ترەمپ بۆ قۆناغی داهاتووی جەنگی ئێران بڵاودەکرێتەوە
یەکێتی و نەوەی نوێ لە دادگای فیدراڵیی سکاڵایان لە دانیشتنی پەرلەمان تۆمارکرد
مەسرور بارزانی بە شاندێکی تەنها پارتییەوە لە بەغدایە؛ گفتوگۆ لەسەر پشکی هەرێم لە بودجەی ٢٠٢٧ دەکرێت
سەرۆکی میت نەخشەڕێگای ئەنقەرە بۆ چارەسەری پرسی کورد ئاشکرا دەکات و پەکەکەش داوای هەنگاوی کرداری دەکات
© 2026 Awene Online, Inc. All Rights Reserved.
×