لە ئەنجامی شەڕی
نێوان دو هاوڵاتی لە شارۆچكەی بنەسڵاوەی سەربە هەولێر، هاوڵاتییەك كوژرا. بەپێی
قسەی پۆلیسی هەولێر، ئەو کەسە لەناوبژیدا کوژراوە.
ئاوێنە: هۆگر عەزیز،
وتەبێژی پۆلیسی هەولێر بە "روداو"ی راگەیاند، سەعات 05:00ی ئێوارەی ئەمڕۆ
پێنجشەممە، دو کەس لە نوسینگەکانی بنەسڵاوە بوەتە کێشەیان و کەسێک لەو شوێنە ناوبژیوانی
کردوە بەمەبەستی چارەسەرکردنی کێشەکە.
هۆگر عەزیز وتوشیەتی، یەکێک لە دو کەسە
شەڕکەرەکە تەقەی کردوە و لە ئەنجامدا ناوبژیكەرەكە کە هاوڵاتییەکی لەدایکبوی ساڵی
1970 بوە، گیانی لەدەستداوە.
بەوتەی هۆگر عەزیز هەردو کەسی شەڕکەر بەپێی ماددەی 405 لە یاسای
سزادانی عێراقی دەستگیرکراون و لێکۆڵینەوە لە روداوەکە بەردەوامە.