فەرماندەی هێزی پاراستنی ئێزیدخان رایگەیاند، ئەمشەو یەكشەممە لە نزیک مەزارگەی شەرفەدین لە شەنگال ئۆتۆمبێلێک تەقییەوە و باسی لەوەشکرد، "هیچ زیانێکی گیانی نەبوە."
ئاوێنە: حەیدەر شەشۆ، فەرمەندەی هێزی گشتی پاراستنی ئێزیدی خان بە "ئێن ئاڕ تی" رایگەیاند، کاتژمێر 8:30 خولەكی ئەمشەو لە نزیک مەزاری شەرفەدین لە باكوری شنگال ئۆتۆمبێلەکە تەقیوەتەوەو جگە لە زیانی ماددی هیچ زیانێکی گیانی نەبوە.
باسی لەوەشکرد، ئۆتۆمبێلەکە لە جۆری ئۆپڵ بوە و وتیشی"ئەو دەنگۆیانەی کە باس لە بۆردومانکرنی تورکیا بۆسەر ئۆتۆمبێلەکە دەکەن راست نین."
ئەوەشی خستەڕو"هیچ زیانێکی گیانی و ماددی بە خەڵکی ناوچەکە نەگەیشتوە و تەنها ئۆتۆمبێلەکە زیانی بەرکەوەتوە."
راشیگەیاند، لە سەرەتای رودانی روداوەکەوە لایەنە پەیوەندیدارەکان گەیشتونەتە سەر روداوەکە و لە ئێستادا هێزە ئەمنییەکان سەرقاڵی لێکۆڵینەوەن لە روداوەکە.