باوكی رۆژنامەنوسی دەستگیركراو شێروان شێروانی كۆچی دوایی كرد
  2021-01-18       854       

باوكی شێروان شێروانی چالاكوان و رۆژنامه‌نوس كه‌ ماوه‌ی زیاتر له‌ سێ مانگه‌ له‌زیندانه‌، له‌ نه‌خۆشخانه‌یه‌كی شاری هه‌ولێر به‌هۆی نه‌خۆشیه‌وه‌ كۆچی دواییكرد.

ئاوێنە: بارزان ئه‌مین، كوڕی ئه‌مین شێروانی، به‌ "خه‌ندان"ی راگه‌یاند، دوای 15 رۆژ مانه‌وه‌ی له‌نه‌خۆشخانه‌و به‌هۆی نه‌خۆشییه‌وه‌ ئه‌مین شێروانی باوكم كۆچی دواییكرد.

وتیشی، "باوكم پێش ئه‌وه‌ی توانای قسه‌كردن له‌ده‌ستبدات و دواتریش به ‌ئاماژه‌ی ده‌ست و چاو و به‌ دڵێكی پڕه‌وه‌ داوای بینینی شێروان شێروانی برامی ده‌كرد."

شێروان ئه‌مین شێروانی چالاكوان و رۆژنامه‌نوس ماوه‌ی زیاتر له‌ سێ مانگه‌ له‌ شاری هه‌ولێر ده‌ستگیركراوه‌و به‌وته‌ی كه‌سوكاره‌كه‌شی، ته‌نها یه‌كجار و بۆ ماوه‌ی پێنج خوله‌ك رێگه‌یان پێدراوه‌ چاویان پێی بكه‌وێت.

زۆرترین بینراو
© 2021 Awene Online, Inc. All Rights Reserved.
×