لە سلێمانی تەنها 27 توشبووی كۆرۆنا لە نەخۆشخانەكاندا ماوه‌
  2021-01-25       214       

بەڕێوەبەرایەتی تەندروستیی سلێمانی دەڵێت، دوو نەخۆشخانەی تایبەت بە كۆرۆنا چۆڵ بووە و تەنها 27 توشبوو لە دوو نەخۆشخانەكەی دیكە ماونەتەوە.

 

ئاوێنه‌:  بەڕێوەبەرایەتی تەندروستیی سلێمانی ئاماژە بەوە دەکات تا دێت ژمارەی توشبووان بە كۆرۆنا لە سلێمانی و شارەكانی دیكەی هەرێم ڕوو لە كەمبوونە، بەڵام بەرپرسانی بوارەكە ترس لە گەیشتنی جۆرە گۆڕاوەكەی ڤایرۆسەكە ناشارنەوە.

هەردوو نەخۆشخانەی شەهید تاهیر و ئاسا-ی تایبەت بە توشبووانی كۆرۆنا لە ئێستادا چۆڵ بوون و هیچ نەخۆشێكیان تیادانییە، لەئێستادا تەنها 27 توشبوومان هەیە كە لە نەخۆشخانەكانی شەهید ئاسۆ و شەهید هێمن ماونەتەوە.

ڕۆژانە نزیكەی 400 تا 600 پشكنین ئەنجامدەدرێت، بەڵام حاڵەتەكانی پۆزەتیڤ كەمن، چوار ڕۆژە هیچ حاڵەتێكی گیان لەدەستدان بە كۆرۆنا لە سلێمانی تۆمارنەكراوە و، توشبووانیش بەردەوامە لە داكشان.

زۆرترین بینراو
© 2021 Awene Online, Inc. All Rights Reserved.
×