2021-04-13   309     
خاوەن پێداویستییە تایبەتەکانی هەولێر و سلێمانی لەبەردەم بینای ئەنجومەنی وەزیران لە شاری هەولێر گردبونەتەوە و دەڵێن، رەمەزان بە سکی برسی ناگیرێت و داوا دەکەن دۆخی ژیانیان باش بکرێت.
ئاوێنە: سامان حسێن، سكرتێرى یهكێتى كهمئهندامانى كوردستان لە لێدوانێکدا بۆ رۆژنامەنوسان لەبەردەم بینای ئەنجومەنی وەزیران رایگەیاند، "ئێمە نەهاتوین بۆ روخاندنی حکومەت، نەهاتوین شەقامەکان بگرین و فەوزا دروستبکەین، هاتوین بە سەرۆک و جێگری سەرۆکی حکومەت و وەزیرەکان و سەرۆکی هەرێم و سەرۆکی پەرلەمان دەڵێین رەمەزان بە سکی برسی ناگیرێت، تا کەی 100 هەزار وەربگرین و ئێوەش دەیان ملیۆن دینار موچەتان بێت".
ئاماژەی بەوەشکرد، هەزاران خێزان ناویان نوسیوە کە تەنها داوای پێنج کیلۆ برنج و قوتی رۆژێکێکیان دەکەن، "هاتوین ئەو پەیامە بگەیەنین کە رەمەزان بە سکی برسی و گیرفاتی بەتاڵ ناگیرێت".
خاوەن پێداویستییە تایبەتەکان لە هەرێمی کوردستان لە دۆخێکی خراپدا ژیان بەسەر دەبەن و موچەی مانگانەیان کەمترە لە 150 هەزار دینار، لەماوەی رابردوشدا دەیان خۆپیشاندان و ناڕەزاییان ئەنجامداوە و داوایان لە حکومەت و پەرلەمان کردوە دۆخی ژیانیان باش بکرێت.