بافڵ تاڵەبانی، هاوسەرۆكی یەكێتی رایگەیاند، "هەرێم و وڵاتەكەمان" لەبەردەم گۆڕانكاری گەورەدایەو پێویستە كاربكەین بۆ دروستكردنی یەكدەنگی نێوان هێزە كوردییەكان لە بەغدا، بۆ ئەوەی داكۆكیكاری سەرسەختی مافە نەتەوەییەكانمان بین و لەنێو خۆی هەرێمیش هاوكارو پشتیوان بین لەپێناو چاكسازی.
ئاوێنە: بافڵ تاڵەبانی، ئەمشەو دوشەممە، لە پەیامێكدا بەبۆنەی ھاتنەوەی سەری ساڵی نوێی کۆچییەوە، رایگەیاند"ئەمساڵ ئەم یادە پڕشکۆیە لەکاتێکدا دەکەینەوە کە ھەرێم و وڵاتەکەمان لەبەردەم گۆڕانکاری گەورەدایە."
وتوشیەتی"پێویستە ھەمومان بە گیانێکی نەتەوەیی و بەرپرسیارانەوە روبەڕوی کێشەکان ببینەوەو کاربکەین بۆ دروستکردنی یەکدەنگی لەنێوان ھێزە کوردییەکان و یەکخستنی ھەوڵەکان بۆ بەرجەستەکردنی یەکڕیزی لە بەغدا تاوەکو داکۆکیکارێکی سەرسەختی بەدیھێنانی مافە نەتەوەییەکانمان بین."
ئەوەشی وتوە"لە ھەرێمیش هاوکار و پشتیوان بین لەپێناو چاکسازی، گۆڕانکاری و خزمەتکردنی زیاتری خەڵکی خۆشەویستی کوردستان."
دەقی پەیامەكە...
بەبۆنەی ھاتنەوەی سەری ساڵی نوێی کۆچییەوە گەرمترین پیرۆزبایی لە موسڵمانانی جیهان و گەلی کورد بەتایبەتی دەکەم.
هیوادارین ئەم بۆنە پیرۆزە بکەینە دەرفەتێک بۆ زیاتر زیندوکردنەوەی گیانی خۆشەویستی و تەبایی و پتەوکردنی پەیوەندی نێوان سەرجەم نەتەوە، پێکهاتە و ئایینزاکان.
بۆ ئەمساڵ ئەم یادە پڕشکۆیە لەکاتێکدا دەکەینەوە کە ھەرێم و وڵاتەکەمان لەبەردەم گۆڕانکاری گەورەدایە. پێویستە ھەمومان بەگیانێکی نەتەوەیی و بەرپرسیارانەوە روبەڕوی کێشەکان ببینەوە و کاربکەین بۆ دروستکردنی یەکدەنگی لەنێوان ھێزە کوردییەکان و یەکخستنی ھەوڵەکان بۆ بەرجەستەکردنی یەکڕیزی لە بەغدا تاوەکو داکۆکیکارێکی سەرسەختی بەدیھێنانی مافە نەتەوەییەکانمان بین. لە ھەرێمیش هاوکار و پشتیوان بین لەپێناو چاکسازی، گۆڕانکاری و خزمەتکردنی زیاتری خەڵکی خۆشەویستی کوردستان.
هەر شاد و سەرفرازبن
بافڵ تاڵەبانی
ھاوسەرۆکی یەکێتیی نیشتمانیی کوردستان