مەكتەبی سیاسی یەكێتی، ئەمڕۆ چوارشەممە، بە سەرپەرشتی بافڵ تاڵەبانی، هاوسەرۆكی حزبەكە كۆبوەوەو پشتیوانی خۆی بۆ ئەو هەنگاوانە دەبڕی كە لە بواری "چاكسازی"دا نراون و جەختی لە پێویستی بەردەوامبونیان كردەوە.
ئاوێنە: ئەمڕۆ چوارشەممە، مەكتەبی سیاسی یەكێتیی نیشتمانیی كوردستان بە سەرپەرشتی بافڵ تاڵەبانی كۆبونەوەی ئاسایی خۆی لەشاری سلێمانی كرد.
بەپێی راگەیەندراوێكی مەكتەبی سیاسی یەكێتی، لەكۆبونەوەكەدا گفتوگۆ لەسەر تەوەرەكانی چاكسازی حزبی و حكومی و پرسی هەڵبژاردنی داهاتوی ئەنجومەنی نوێنەرانی عێراق كرا.
لە راگەیەندراوەكەدا هاتوە"كۆبونەوەكە پشتیوانی خۆی بۆ ئەو هەنگاوانەی لەبواری چاكسازی نراون دەربڕی و جەختی لەسەر پێویستی بەردەوامبونیان كردەوە، چونكە دەبنە سەرمایەكی مەعنەوی و بەرجەستە بۆ سیاسەتی راست و رەوای یەكێتی لەخزمەتی كۆمەڵانی خەڵكدا."
بەپێی راگەیەندراوەكە "لەتەوەری هەڵبژاردندا هەڵسەنگاندنی ئیجابیانە بۆ بەرنامەو كۆششی میحوەرەكانی هەڵبژاردن لەسەرجەم شارو پارێزگاكاندا كرا، تەئكید لەسەر جێبەجێكردنی سیاسەت و بەرنامەی هاوپەیمانی كوردستان كە لیستی هاوبەشی بزوتنەوەی گۆڕان و یەكێتیە كرایەوە."
كۆبونەوەی مەكتەبی سیاسی هەروەها "بەبایەخەوە هەڵسەنگاندنی بۆ ئەو لێكتێگەیشتنانە كرد كە لەگەڵ هێزو لایەنە سیاسیەكانی تردا كراون، بۆ ئەوەی هەڵبژاردن لەكەشێكی ئارام و دیموكراسیدا بەڕێوەبچن."
دەقی راگەیەندراوەكە...