هاتوچۆی سلێمانی، ئێوارەی ئەمڕۆ هەینی، رایگەیاند، بەهۆی بونی بەستەڵەك و مەترسی لەسەر شۆفێریكردن، هەردو رێگای چونە سەرەوە بۆ شاخی گۆیژەو چیای ئەزمڕ، بەربەست كران.
ئاوێنە: بەڕێوەبەرایەتی هاتوچۆی سلێمانی لە راگەیەندراوێكدا وتویەتی"بەهۆی بونی بەستەڵەک و مەترسی لەسەر شۆفێریکردن، بەڕێوەبەرایەتی هاتوچۆی سلێمانی هەردو ڕێگای چونە سەرەوە بۆ شاخی گۆیژەو چیای ئەزمڕ بەربەست دەکات."
ئاوێنە لە تەلەگرام جۆین بكە
بەڕێوەبەرایەتییەكە ئەوەشی خستۆتەڕو"ئەم بڕیارە لەپێناو سەلامەتی شۆفێران و هاوڵاتیان جێبەجێ دەکرێت لەلایەن مەفرەزەکانی بەڕێوەبەرایەتی هاتوچۆی سلێمانییەوە، ئەو ڕێگایانەش بەداخراوی دەمێننەوە تا ئەوکاتەی شیاو دەبن بۆ شۆفێریکردن تیایاندا."