ئەمڕۆ هەینی لە دەروازەی كەلار ئۆتۆمبێلێك تەقیوەتەوەو بەپێی زانیارییە سەرەتاییەكان ئۆتۆمبێلەكە بە فڕۆكەی بێفڕۆكەوان كراوەتە ئامانج و سێ كەس لە رووداوەكەدا گیانیان لەدەستداوەو كەسێكی دیكەش برینداربوە.
ئاوێنە: بەپێی هەواڵێكی رادیۆی دەنگ كە روماڵی روداوەكانی گەرمیان دەكات، " تەقینەوەی ئۆتۆمبیلەکەی کەلار لە رێگای نێوان گوندەکانی (بەرلوت) و (قاسم ئاغا)دا بوەو بە فڕۆکەی بێفڕۆکەوان لێی دراوە."
بەپێی زانیارییە سەرەتاییەكان لە روداوەكەدا سێ كەس گیانیان لەدەستداوە. رادیۆی دەنگ ئەوەشی ئاشكراكردوە كە "بریندارێکی روداوەكەش گەیەنراوەتە نەخۆشخانە كە خەڵکی (سوریا)یە."