سه‌رۆكی ده‌سته‌ی گه‌شتوگوزار داوا لە هێزە ئەمنییەكان دەكات، به شێوازێكی گه‌شتیاری و جوان پێشوازی له گه‌شتیاران بكه‌ن.
ئاوێنە: ئه‌مه‌ل جه‌لال، سەرۆكی دەستەی گەشتوگوزاری هەرێم لە پەیامێكدا كە بەبۆنەی جەژنی قوربانەوە بڵاویكردووەتەوە، نووسیویەتی، “پێویسته سه‌رجه‌م هۆتێل و مۆتێل و كافتریا و ڕێستۆرانته‌كان لە جەژندا كراوه‌بن و به‌هیچ جۆرێك نرخ به‌رز نه‌كه‌نه‌وه”.
باسی لەوەشكردووە، پێویستە به هه‌مان نرخی ڕۆژانی تر كار بكه‌ن و نرخ به‌رز نه‌كه‌نه‌وه، تا بتوانن خواستی گه‌شتیاران پڕ بكه‌نه‌وه.
داواكاریشە هێزە ئەمنییەكان به شێوازێكی گه‌شتیاری و جوان پێشوازی له گه‌شتیاران بكه‌ن.
هه‌ر له په‌یامه‌كه‌یدا ده‌ڵێت، “به‌هیوام كارمه‌ندانی بنكه گه‌شتیاری و كۆمپانیاكان و كه‌رتی تایبه‌ت و شۆفێرانی ته‌كسی و هێڵه گشتییه‌كان به‌شێك بن له پیشاندانی جوانییه‌كانی كوردستان و به‌بازاڕكردن بۆ گه‌شتیاران، له‌گه‌ڵ ده‌زگا میدیاییه‌كان و كارمه‌ندانی ڕاگه‌یاندن كه به‌رده‌وام له هه‌وڵدان به ماندبونی خۆیان زۆرترین خزمه‌ت پێشكه‌ش بكه‌ن و دیمه‌نه سه‌رنجڕاكێش و سروشتی ناوازه‌ی كوردستان نیشانی گه‌شتیاران ده‌ده‌ن”.