هەپەگە رایگەیاد، لە زنجیرەیەك چالاكی گەریلادا لە ناوچەكانی زاپ، ئاڤاشین، مەتینا و هەفتانین 12 سەربازی دیكەی توركیا كوژراون، فڕۆكەیەكی بێفڕۆكەوان تێكشكێنراوەو گورزیش لە هەلیکۆپتەرێکوەشانێدراوە.
ئاوێنە: ناوەندنی ڕاگەیاندن و چاپەمەنیی هێزەکانی پاراستنی گەل(هەپەگە)، ئەمڕۆ هەینی، لە ڕاگەیەندراوێکدا ڕایگەیاند، لە ڕۆژانی ٢٧ تا ٢٩ی تەمموز، گەریلا زنجیرەیەک چالاکی لەدژی سوپای تورکیا لە ناوچەکانی زاپ، ئاڤاشین، مەتینا و هەفتانین ئەنجامداوە.
ئەوەشی خستووەتەڕو، کە لەو چالاكییانەی گەریلادا ١٢ سەربازی تورکیا کوژراون، گورز لە هێلیکۆپتەرێک دراوە و فڕۆکەیەکی بێفڕۆکەوانیش تێكشكێنراوە، هاوکات دەست بەسەر چوار کیلۆ ماددەی تەقەمەنیشدا گیراوە.
باسی لەوەشکردوە، کە سوپای تورکیا لەو ماوەیەدا ١٦ جار چەکی کیمیایی و تەقەمەنی لە مەیدانەکانی جەنگ بەکارهێناوە.
رونیشیکردوەتەوە، سوپای تورکیا پێنج جار بە فڕۆکەی جەنگی، هەشت جار بە هەلیکۆپتەری جەنگی و سەدان جاریش بە تانک و تۆپ مەیدانەکانی جەنگ و تونێلەکانی بەرخۆدانی بۆردومان و تۆپباران کردوە.