ئەو کارمەندەی لە مانگی ڕابردوودا لە چەمچەماڵ بۆمب پێیدا تەقییەوە لە ئەردەن گیانیلەدەستدا
  2022-08-10       307       

بەڕێوەبەرایەتیی گشتیی کاروباری مین لە سلێمانی ڕایگەیاند، ئەو کارمەندەی ڕێکخراوی MAG کە لە کۆتایی مانگی تەمموزدا لە چەمچەماڵ گولە هاوەنێک پێیدا تەقییەوە، ئەمڕۆ لە وڵاتی ئەردەن گیانی لەدەستدا.

ئاوێنە: لە ڕاگەیەندراوی بەڕێوەبەرایەتیی کاروباری میندا هاتووە، ئەو کارمەندەی ڕێکخراوەکە لە 20ی تەمموزدا لە گوندی زەرد-ی سەر بە ناحیەی قادر کەرەم لە سنووری چەمچەماڵ لەکاتی ئەرکدا گولە هاوەنێک پێیدا تەقییەوە و لەگەڵ دوو هاوکاریدا برینداربوون.

کارمەندەکەی ڕێکخراوی MAG ناوی عەتا عومەرە لە مانگی ڕابردوودا دوای ئەنجامدانی تەقینەوەیەک لەلایەن تیمی CMTT305ی تەقاندنەوەی ڕێکخراوی ئێم ئەی جی و لەکاتی سەردانیکردنی  چاڵی تەقینەوەکە برینداربوو، بەمەبەستی چارەسەر نێردرایە وڵاتی ئەردەن، ئەمڕۆ بەهۆی سەختی برینەکەیەوە گیانیلەدەستدا.

زۆرترین بینراو
© 2022 Awene Online, Inc. All Rights Reserved.
×