بۆ رۆژی 12ـیەم، ئێران تۆبپارانی کوێستانی دۆڵی زەرزێ دەکات و هێشتا زیانەکان ئاشکرانەکراون.
ئەمڕۆ چوارشەممە 5ـی تشرینی یەکەمی 2022، 12 رۆژە تۆپخانەکانی ئێران تۆپبارانی کوێستانی بەربزێن و دۆڵی زەرزێی سنووری سیدەکان دەکەن.
ئەمە لە کاتێکدایە رۆژی چوارشەممەی رابردوو 28ـی 9ـی 2022، سوپای ئێران لە رێگەی 73 مووشەکی بالیستی و دەیان درۆنەوە چەندین ناوچەی هەرێمی کوردستانی کردە ئامانج، لە ئەنجامدا 18 کەس گیانیان لەدەستدا و بە دەیانی دیکەش برینداربوون.
هاوکات رۆژانی دواتریش ناوچەکانی چۆمان و سیدەکان چەند جارێکی دیکە بۆردوومان کراون. هەرچەندە هەوڵ هەیە بۆ راگرتنی ئەم پێشیلکاریانەی سەروەری عیراق و هەرێمی کوردستان، بەڵام هێشتا هێرشەکان ناو بە ناو بەردەوامییان هەیە.