2020-07-03 329
رۆژانە پتر ژ 100 پشكنینێن كۆرۆنایێ ل تەقیگەهێن ساخلەمیا قەزا ئاکرێ دهێنە کرن و بریارە ئەڤ ژمارە بهێتە زێدەکرن.
ئاوێنە، وارهێل نێروەیی د. سالح مسته‌فا، رێڤه‌به‌رێ ساخله‌میا قه‌زا ئاكرێ بۆ "ئاوێنە" راگەهاند: رۆژانە پتر ژ 100 پشكنینێن كۆرۆنایێ ل ئاكرێ دهێته ئه‌نجامدان. ل به‌ره هژمارا پشكنینێن كۆرۆنایێ بهێته زێده‌كرن وپتریا پشكنێنان ل زالگه‌ه و ناڤا ئاكرێ وبه‌رده‌رش دهێنەکرن.
گوت ژی: پشتی پشکنینا کۆرۆنایێ ل قەزا ئاکرێ دهێتە کرن بارسڤكیەک ل سه‌ر تاقیگه‌ها دهۆكێ کریە و دپلانێ دایه هژمارا پشكنینێن كۆرۆنایێ بهێنه زێده‌كرن 400 هه‌تا 500 پشكنینێن كۆرۆنایێ ل ئاكرێ ئه‌نجام بده‌ن.
ئاشکرا ژی کر: هه‌ر ژ ده‌ستپێكێ هه‌تا نۆكه شه‌ش تووشبوویێن كۆرۆنایێ ل ئاكرێ هاتینه تۆماركرن، هه‌ر شه‌ش تووشبوویێ ژی هاتینه چاره‌سه‌ركرن، هەتا نها رەوشا کۆرۆنایێ ل ئاکرێ یا باشە.
رێڤەبەرێ ساخلەمیا ئاکرێ گوت ژی: ژبەر ستراتیژیەتا قەزا ئاکرێ کو دهۆك و هه‌ولێر پێكڤه گرێده‌ت و چه‌ندین رێك هه‌نه ئاكرێ را هاتنۆچوون دهێته كرن له‌ورا مه‌ترسی هه‌یه، بتایبەتی پشتی هندەک حالەت ل بەردەرەش هاتینە تومار کرن.