نا بۆ رەگەزە پەرستی‌و رق‌و کینە

سەرکەوت شەمسەدین
  2019-07-30     566
لەدیمەنێکی ڤیدیۆیی لەنزیک گۆڕێکی بەکۆمەڵی ژمارەیە هاوڵاتی کورد کە لەلایەن رژێمە دیکتاتۆرە شۆڤێنیەکەی صەدام ەوە ئەنفال کراون، ئەفسەرێکی سوپای عێراق بێرێزی بەئاڵای کوردستان ئەکات‌و داوا لەکەسوکاری قوربانیان دەکات کە ئاڵای کوردستان بەرز نەکەنەوەو قەەغەیە.

ڤیدیۆکە کاردانەوەی زۆری لێکەوتەوە وەک رەفتارێکی رەگەز پەرستانەو رق‌و کینە سەیرکرا بەهۆی ئەوەی ئەو ئاڵایە بەپێی دەستوری عێراق دانی پێدانراوە، ئاڵای کوردستان جێگەی شانازی رێزی هاوڵاتیانی هەرێمی کوردستانە.

من لای خۆمەوە جگە لەئیدانەو رەتکردنەوە لەتۆری تویتەر، بەفەرمیش نامەیەکی نارەزاییم ئاراستەی وەزیری بەرگری کرد بۆ لێپرسینەوەلەو ئەفسەرەو پێدانی تەعلیمات بەبازگەکانی سوپا کە هیچ کەس بۆی نیە بێ رێزی بەئاڵای کوردستان بکات، هەر ناکۆکیەکی سیاسی نێوان هەولێرو بەغداد نابێت هێزی ئەمنی دەستوەردانی تێدا بکات، پەیوەندیشم کرد بەنوسینگەی سەرۆک وەزیران بۆ هەمان مەبەست.

هاورێم کاک کاوە محمد یش پەیوەندیکرد بەپارێزگاری موسەنە بۆ هەمان مەبەست ئەنجامیشی هەبو.

پارێزگاری موسەنا بەفەرمی داوای لێبوردنی لەگەلی کورد کردو راشیگەیاندوە کە لێکۆڵینەوە لەسەربازەکە دەکەن.

ئەم هەنگاوەی پارێزگاری موسەنا ئاماژەی گرنگە کە هەستی بەرپرسیاری‌و رۆحی مرۆڤدۆستی‌و یشتیمانی زیندوەو دەتواین بەهەمومان ژینگەیەکی باشتر بۆ پێکەوە ژیان دروستبکەین.

بەڵام با سەرنجێکیش لەدۆخی بازگەکانی هەرێمی کوردستان‌و ئەو بێرێزییه‌ی‌ بازگەکان بەهاوڵاتانی عەرەب زمانی دەکەن جێگەی ئیدانەکردن‌و سەرزەنشتکردنە، چونکە پێکەوە ژیان تەنیا بەلایەک ناکرێ.

لانیکەم لە عێراق ئێمە زانیمان مەرجەعی ئەم هێزانە کێن و توانیمان رایگرین، بەڵام کام پەرلەماتاری عێراقی (ناوەراست و باشور) ئەتوانن پەیوەندی بە مەرجەعی هێزە ئەمینیەانی کوردستان بکەن و لێپرسینەوەیان لێبکەن؟!
زۆرترین بینراو
سۆران عومه‌ر: به‌دواداچوونێكى ورد ده‌ریخست ئامانج بابانى بكوژى هاوسه‌ر و منداڵه‌كه‌ى و خۆیه‌تى
په‌لەمانتارێکى پارتى: دوای ڕۆژئاوای کوردستان ئاڕاستەی دژایەتی تورکیا بەرەو ڕوی هەرێمی کوردستانە
به‌ڕێوه‌به‌ری پێشووی CIA: له‌ ئه‌نجامدا به‌ریتانیا و فه‌ڕه‌نساش کورده‌کان به‌جێده‌هێڵن
سیناتۆرێکی ئەمریکی: بۆ تەمبێ کردنی تورکیا پێویستە هەم گێزەر و هەم تێڵا بەکار بهێندرێت
سەركردەیەكی پارتی: تورکیا ناتوانێ ئەو بەرنامە چەپەڵەی بۆ رۆژاڤا دایناوە جێبەجێ بکات
وەفدێكی سەربازیی روسیا گەیشتە قامیشلۆ
داوا ده‌کرێت 40 هەزار سەربازی وڵاتانی ئەندام لە یەکێتی ئەوروپا رەوانەی رۆژئاوای کوردستان بکرێت
لەمڕۆوە بە بەردەوامی كامێرای چاودێری لەڕێگایەك دادەنرێت
شاسوار عەبدولواحید: ئەم دۆخە دەبێتە بازدانێکی گەورە بۆ بەرەوپێشبردنی دۆزی کورد
ئەسەسەرد: گەر تورکیا ئامانجەکانى لەباکورى سوریا پێکا، ئەوا بیر لە فراوانکردنى سیناریۆکە دەکاتەوە
© 2018 Awene Online, Inc. All Rights Reserved.
×