بەهۆی تەقینەوەی بۆمبێكی چێندراو لە سنووری شرگاتی سەر بە پارێزگای سەڵاحەددین فەرماندەیەكی باڵای سوپای عێراق گیانی لەدەستدا.
ئەمڕۆ سێشەممە 2-1-2024 لە سنووری قەزای شرگات لە پارێزگای سەڵاحەددین، بۆمبێکی چێنراو بە ئۆتۆمبێلێکی سوپای عێراقدا تەقیوەتەوە و بەهۆیەوە کەسێک گیانی لەدەستداوە کە فەرماندەی باڵای سوپای عێراقە.
بەپێی زانیارییەکان، ئەو کەسەی گیانی لەدەستداوە ناوی سۆران محەمەدە، پلەی موقەدەم بووە و ئامر فەوجی دووی لیوای 91ـی سوپا بووە و "كورد"ـە.