جۆ بایدن، سەرۆکی ئەمریکا له‌نامەیەکدا لەبارەی هێرشەکەی ئەمدواییەی ئەمریکا بۆ سەر بارەگایەکی حەشدی شەعبی له‌به‌غدا كه ئاراسته‌ی کۆنگرێسی كردووه ده‌ڵێت، بەفەرمانی ئەو بووەو بۆ پاراستنی هێزەکانیان بووە.
ئاوێنه: له‌نامه‌كه‌ی بایدن-دا كه دوێنێ هه‌ینی ئاراستەی کۆنگرێسی وڵاته‌كه‌ی كردووه، نوسیویەتی، "من وەکو فەرماندەی گشتی، ئەو فەرمانەم دەرکرد، چونکە بەرپرسیارم لەپاراستنی هاوڵاتیانی ئەمه‌ریکی لەناوەوەو دەرەوەی ئەمریکا."
سەرۆکی ئەمریکا ڕاشیگه‌یاندووه، "ئەمه‌ریکا ئامادەی هەنگاونانی پێویستە لەهەر کاتێک کە پێویست بکات."
نیوەڕۆی رۆژی پێنجشەممە 4ی 1ی 2024، به‌موشه‌ك هێرشیكرده سه‌ر باره‌گای لیوایه‌كی سه‌ر به‌حه‌شدی شه‌عبی‌‌و دواتر بزوتنەوەی نوجەبا کوژرانی دو فەرماندەی راگەیاند بەناوەکانی ئەبو تەقواو یاریدەدەرەکەی بەناوی ئەبو ئیمتیحان؛ جگە لەبرینداربونی حەوتی دیکە.