سابت عەباسی وەزیری بەرگری عێراق ڕایدەگەیەنێت، ئەگەر هەیە بەرەو هەڵپەساردنی رێككەوتنە ئەمنیەكەی ئەم دواییە لەگەڵ ئێران هەنگاوبنێین.
ئاوێنە: سابت عەباسی لە لێدوانێکی ڕۆژنامەوانیدا باسی لە هێرشەکانی ئێران بۆسەر هەرێمی کوردستانەوە کرد و وتی:"بۆردومانكردنی كوردستان لەلایەن ئێرانەوە سەركۆنەكراوەو رەتیدەكەینەوە، هێزەكانمان ئامادەن بۆ وەڵامدانەوەی دوژمنكاریە دەرەكیەكان".
لەبارەی گرتنەبەری ڕێکاری پێویست لەلایەن عێراقەوە وەزیری بەرگری وتی:"ئەگەر هەیە بەرەو هەڵپەساردنی رێككەوتنە ئەمنیەكەی ئەم دواییە لەگەڵ ئێران هەنگاوبنێین".
هاوکات وەزیری بەرگریی عێراق زانیارییەکی نوێی ئاشکراکرد و رایگەیاند، "چەندین هێرشمان بۆ سەر هەرێمی كوردستان شكستپێهێناوە".