سەرۆك وەزیرانی عێراق بڵاوی كردەوە، بەبۆنەی جەژنی كرێكارانەوە پیرۆزبایی ئاراستەی كرێكارانی عێراق و جیهان دەكەین، هەروەها پابەندبوونی خۆمان بۆ سەرجەم كرێكارانی ژن و پیاو دووپات دەكەینەوە، بۆ دابینكردنی ژینگەیەكی كار، كە شكۆمەندییان و گەرەنتی ماددی و مافیان بپارێزێت.
محەمەد شیاع سوودانی، سەرۆك وەزیرانی عێراق بەبۆنەى ڕۆژى جیهانى كرێكارانەوە پەیامێکى بڵاوکردەوە.
لە پەیامەکەدا هاتووە، بەبۆنەی جەژنی كرێكارانەوە پیرۆزبایی ئاراستەی كرێكارانی عێراق و جیهان دەكەین و پڕۆژەی خزمەتگوزاری و ئاوەدانكردنەوە و گەشەپێدانى وڵاتەکەمان لەسەر دەستی ئەوان بنیات نراوە.
ئاماژە بەوەشكراوە، پابەندبوونی خۆمان بۆ سەرجەم كرێكارانی ژن و پیاو دووپات دەكەینەوە، بۆ دابینكردنی ژینگەیەكی كار، كە شكۆمەندییان و گەرەنتی ماددی و مافیان بپارێزێت.