وەزیری ئەوقاف و كاروباری ئاینی لە هەرێمی كوردستان بە نوسراوی فەرمی داوای لە دەستەی وەبەرهێنەرانی حكومەتی هەرێم كردووە یەكەی نیشتەجێبوون بۆ مامۆستایانی ئاینی دروست بكرێت.
ئاوێنه: لە نوسراوەكەدا كە وێنەیەكی بۆ مەسرور بارزانی، سەرۆكی حكومەتی هەرێمی كوردستان نێردراوە، تێیدا هاتووە "ئێمە وەك وەزارەتی ئەوقاف و كاروباری ئاینی داوا لە بەڕێزتان دەكەین بەپێی یاسای وەبەرهێنان پڕۆژەیەك بۆ شوێنی نیشتەجێ بوون بۆ مامۆستایانی ئاینی دابین بكرێت بە نرخێك كە بۆیان گونجاوبێت و سودی لێوەربگرن".
ئاماژه به‌وه‌ش دراوه ''مامۆستایانی ئاینی له كۆنه خزمه‌تی رۆڵی به‌رچاویان هه‌بووه له خزمه‌ت كردنی ئاینی ئیسلام و شۆرشه‌كانی كوردستان و بڵاوكردنه‌وه‌ی فكری مینڕه‌وی بۆیه به ئه‌ركی خۆمانی ده‌زانین خزمه‌تیان بكه‌ین و ژیانێكی شایسته‌یان بۆ دابین بكه‌ین''.
