هونه‌رمه‌ندێكی كورد له‌ئه‌مریكا ده‌كوژرێت
  2019-01-31       2781       

هونه‌رمه‌ندێكی گورانیبێژی كورد له‌ ویلایه‌تی ته‌كساسی ئه‌مریكا له‌لایه‌ كه‌سانێكی نه‌ناسراوه‌و كوژراو پۆلیسی ئه‌و وڵاته‌ش ده‌ستی به‌ لێكۆڵینه‌وه‌ له‌روداوه‌كه‌ كردوه‌.

ئاوێنه‌: میدیای ره‌سمی یه‌كێتی له‌زاری سه‌رچاوه‌یه‌كه‌وه‌ بڵاوی كردۆته‌وه‌ كه‌ هونه‌رمه‌ندی گۆرانیبیژ، دلێر عه‌لی شه‌وی 25-1-2019 چه‌ند كه‌سێكی نه‌ناسراو هه‌ڵیانكوتاوه‌ته‌ سه‌ری و ویستویانه‌ له‌ ئۆتۆمبێله‌كه‌ی خۆیدا بیخنكێنن، به‌ڵام پێش گیانله‌ده‌ستدانی بۆ شوێنێكی نادیار هه‌ڵاتون.

سه‌رچاوه‌كه‌ هێمای بۆ ئه‌وه‌ كردو كه‌ دواتر دلێر عه‌لی به‌مه‌به‌ستی رزگاركردنی گیانی گه‌یه‌نراوه‌ته‌ نه‌خۆشخانه‌، به‌ڵام دوای مانه‌وه‌ی بۆ زیاتر له‌ 48 كاتژمێر گیانی له‌ده‌ست داوه‌.

سه‌رچاوه‌كه‌ ئاماژه‌ی به‌وه‌شكرد، كه‌ پۆلیسی ویلایه‌تی ته‌كساس ده‌ستی به‌ لێكۆڵینه‌وه‌ له‌ ڕوداوه‌كه‌ كردوه‌، دوای ته‌واوبونی ڕێكاره‌كانیش ته‌رمه‌كه‌ی ده‌گه‌ڕێنرێته‌وه‌ هه‌رێمی كوردستان.

دلێر عه‌لی له‌ ساڵی 1980 له‌ شاری كه‌ركوك له‌ دایك بوه‌و كوڕی تێكۆشه‌ری دێرین شه‌هید(عه‌لی گه‌رمیانیه‌).

ئه‌و هونه‌رمه‌نده‌ خاوه‌نی چه‌ندین كلیپه‌، به‌ڵام له‌ دوای ساڵی 2017 ه‌وه‌ هیچ به‌رهه‌مێكی نوێی نه‌بوه‌.


زۆرترین بینراو
© 2018 Awene Online, Inc. All Rights Reserved.
×