پارێزەرەكەی: باری تەندروستی دەمیرتاش لەزیندان تێكچوەو نەبراوەتە نەخۆشخانە
  2019-12-02       242       

ئایگوڵ دەمیرتاش، خوشكی سەلاحەدین دەمیرتاش و پارێزەری تایبەتی ناوبراو، رایگەیاند، هەفتەی رابردو باری تەندروستی دەمیرتاش لەزیندان تێكچوەو بەوهۆیەوە بوراوەتەوە بەبێ ئەوەی ببرێتە نەخۆشخانە.

ئاوێنە: ئایگوڵ دەمیرتاش، كە خۆشكی سەڵاحەدین دەمیرتاشە، لەپێگەی خۆی لە تۆڕی كۆمەڵایەتی توێتەر رایگەیاند، لە ٢٦ی١١ی٢٠١٩و لە سەعات ٥:٣٠ دا، دەمیرتاش سینگی ژان دەكات و ناتوانێت بە جوانی هەناسە بدات، بەوهۆیەوە لەهۆش خۆی چوە.

ئەوەشی خستۆتەڕو كە بۆ ماوەیەكی زۆر دەمیرتاش نەیتوانیوە بە جوانی هەناسە بدات و بوراوەتەوە، یەكەم كەس كە هاوكاری كردوە عەبدوڵا زەیدانی هاوڕێی بوە لە زیندان.

وتوشیەتی"لە زیندان بە هیچ شێوەیەك گرنگیان پێی نەداوە و تەنها پزیشكیان بانگ كردوە تا چارەسەری بكات، بەڵام خراپی رەوشی دەمیرتاش پێویستی بە بردنیەتی بۆ نەخۆشخانە".

ئایگوڵ لە بەشێكی تری نوسینەكەیدا وتویەتی، داوامان لە ئیدارەی زیندان كردوە بەپەلە بیبەنە نەخۆشخانە، بەڵام حەوت رۆژ بەسەر ئەو نەخۆشیەیدا تێپەڕیوە، كەچی نەبراوەتە نەخۆشخانەو هەر لە زیندان ماوەتەوە.

زۆرترین بینراو
© 2018 Awene Online, Inc. All Rights Reserved.
×