ئەمڕۆ شەممە 07/12/2019 بارینی بەفر لە حاجی ئۆمەران. فۆتۆ: راگەیاندنی كەشناسی هەرێمی كوردستان
كەشناسی هەرێم رایگەیاند، ئاسمانی ئەمڕۆ(شەممە)و سبەی(یەكشەممە)ی شارەكانی باشوری كوردستان هەوری باراناوی دەبێت لەگەڵ بەردەوامی بارینی بەفر لە ناوچە شاخاوییە سنورییەكانی هەر سێ پارێزگای هەولێر، سلێمانی و دهۆك.
ئاوێنە: بەڕێوەبەرایەتی گشتی كەشناسی و بومەلەرزەزانی هەرێمی كوردستان بڵاویكردەوە كە ئەمڕۆ و سبەی ئاسمانی شارەكانی باشوری كوردستان هەوری باراناوی دەبێت لەزۆربەی كاتەكاندا.
هێمای بۆ ئەوەش كردوە كە بارینی بەفر لە ناوچە شاخاوییە سنورییەكانی هەر سێ پارێزگای هەولێر و سلێمانی و دهۆك بەردەوام دەبێت.
هەر بەپێی راگەیەندراوەكە پلەكانی گەرماش لە سەرجەم شارەكانی باشوری كوردستان رو لە نزمبونەوە دەكەن.
