رزگاربویەكا ئێزدی: تیرۆرستێن داعشێ ب دژوارترین جۆرێن ئەشكەنجەدانێ ئازارداین
  2019-04-04       138       


ئا: خوخی حیدر یوسف



رزگاربوویەكا ئێزدی دیاركر كو تیرۆرستێن داعشێ ب دژوارترین جۆرێن ئەشكەنجەدانێ ئەم ئازارداین و هەفت جارا هاتیمە كرین و فرۆتن،ئەو گرتیێن مایین ژی رۆژانە دەه جاری پتر دئێنە ئەشكەنجەدان و مێشكێ وان دئێتە شووشتن و ئایینێ خۆ نیشا وان د دەن.

(خالیدا خودێدا)خەلكا گوندێ گرزەركە ل شنگالێ‌،بۆ ماوەیێ دوو سال و دوو هەیڤا ل دەستێ هۆڤێن داعشێ دمینت،ودبیزت، پشتی رێكخراوا تیرۆرستیا داعش ل 3/8/2014ێ‌ هێرشی شنگالێ كری ئەز و هەفت ئەندامێن خێزانا خۆ كەفتینە دەستێ داعش و هاتینە گرتن بۆ دەمەكێ درێژ،بەلێ پاش ب هاریكاریا نڤیسینگەها كاروبارێن رزگاركرنا رەڤاندیان ل پارێزگەها دهۆكێ ئەز و چار ئەندامێن خێزانا من هاتین ئازادكرن،دماوێ گرتنا مە دا دژوارترین جۆرێن ئەشكەنجەدانێ ئەم ئازارداین و هەفت جارا هاتم كرین و فرۆتن و هەتا ناڤێ من ژی هاتبوو گهۆرین ژ خالیدا بۆ لەمیا و گۆت:((داخوازیا مە یا ئێكێ و داویێ ژ حەموو لایەن و دام و دەزگەه و خێرخوازا و تایبەت نڤیسینگەها رزگاركرنا رەڤاندیا ئەوە كەسێن مایین گرتی ب زووترین دەم ئازاد بكن،ژبەر هەر رۆژ دەه جاری پتر دئێنە ئەشكەنجەدان و مێشكێ وان دئێتە شووشتن و ئاینێ خۆ نیشا وان د دەن،دیسان پێتڤیە ل سەر ئاستێ ناڤخۆیی و نێڤ دەولەتی حەموو حكومەت و رێكخراو كارەكێ جدی بكن بۆ پەسەندكرنا جینۆسایدا ئێزدیان)).

گۆتژی پشتی هاتیم ئازادكرن،جڤاكێ ئێزدی ب جوانترین شێواز پێشوازیا من كر و رێزگرتن ل من كرن پتر ژ بەرێ ژی و ئەم برینە لالشا نورانی و جارەكا دی مۆركرین ب ئاڤا كانیا سپی.


زۆرترین بینراو
© 2018 Awene Online, Inc. All Rights Reserved.
×