2021-01-19 1853
به‌پێی راگه‌یه‌ندراوی وەزارەتی تەندروستی عێراق، دەستەی نیشتمانی دەرمان بەکارهێنانی ڤاکسینەکانی ئەسترازینکا بەریتانی‌و سینۆفارمی چینی پەسندکردووه.
ئاوێنه: وەزارەته‌كه رایگه‌یاندووه، دەستەی نیشتمانی دەرمان بەکارهێنانی ڤاکسینەکانی ئەسترازینکا بەریتانی‌و سینۆفارمی چینی پەسندکردووه.
لەبارەی جۆری کۆرۆنای گۆڕاو وەزارەتی تەندروستی عێراق ده‌ڵێت، لێکۆڵینەوە بۆ ڤایرۆسە گۆراوەکە دەکەن، بەڵام تاوەکو ئێستا هیچ تووشبوویەکی کۆرۆنای گۆراویان دەستنیشاننەکردووە لە عێراق.
دوای چەند هەفتەیەک لەدابەزینی ژمارەی تووشبووانی کۆرۆنا لەعێراق، وەزارەتی تەندروستیی وڵاتەکە هۆشداری لەبارەی سەرهەڵدانی شەپۆلی دووەمی کۆرۆنا دەدات و پێیوایە کە لەشەپۆلی یەکەم بەهێزتر دەبێت، هەروەها دەشڵێت، "رەنگە کۆرۆنا گۆڕاوەکە لەوڵاتە دراوسێکانەوە بێنە عێراق".