ل دهوكێ‌ رێژەیا ئەندامێن زەردەشتیا بەرەف زێدەبوونێ‌ دچیت
  2020-01-27       3666       

ئا: وارهێل نێروەیی

 

ئاینێ‌ زەردەشتی ئێكە ژ ئایێن ل هەرێما كوردستانێ‌ هەیە و ل گورەیی نوینەرا وان ل وەزارەتا ئەوقافێ‌ ئەندام و لایەنگرێن وان ل هەمی پارێزگەهێن كوردستانێ‌ هەیە هندەك ژبەر مالباتێن خوە نەشێن خوە ئاشكرا بكەن و هەتا نها هیچ بارەگایەك ل دهوكێ‌ نینە.


 ئاوات حوسامەدین، نووینەرا زەردەشتیا ل وەزارەتا ئەوقاف و كاروبارێن ئاینی ل هەرێما كوردستانێ‌ بۆ " ئاوێنە " راگەهاند: ل پارێزگەها دهوك ئەنجومەنێ‌ زەردەشتیا هەیە ژبەر نەبوونا بودجەیەكا تایبەت وان شیان نین رێكخاروێن زەردەشتیا ل دهوكێ‌ دامەزرینن، چەندین جارا وان بزاڤكرینە پارێزگەرێ‌ دهوكێ‌ ببینن و گەلەك جاران ل هەولێرێ‌ دناڤ رێورەسمان دیتیە و داخواز ژێ‌ كریە كو هاریكاریا وان بكەت و سوز داینێ‌ هاریكاریا وان بكەت.
گوت ژی: ل هەولێر رێكخراو و پەرستگەهـ هەیە بتنێ‌ ل پارێزگەها دهوكێ‌ نین ژبەركو ئەندامێن وان هەموو خوبەخش كاری دكەن چ بودجە نینە كو رێكخراوەكێ‌ ل دهوكێ‌ دامەزرینن.
ئاشكرا ژی كر: ل سەرانسەری هەرێما كوردستانێ‌ ئەوێن فورم پر كرین  ژمارا وان گەهشتیە 100 هزار كەسا رێژا ئەندامێن وان زێدە بووینە تایبەت ل پارێزگەها دهوكێ‌ و قەزا زاخۆ ئەو ژی 600 كەسان ب ئاشكرایی ئەندامن و  هندەك ئەندام ژی ژبەر مالباتێن خوە بنهێنی ئەندامن.
گوت ژی: دەڤەرا دهوكێ‌ ئێكە ژ جهێن دێرین زەردەشتیانە و ئەم خوە ب قەردارێن ڤێ‌ دەڤەرێ‌ دزانین، لەورا گەلەك جاران ئەندامێن مە ل دهوك دخواز كریە ئاڤاهیەك بۆ بهێتە دانان لێ‌ شیانێن دارایی نین ژبەركو هەتا نوكە ئەز ژی ل وەزارەتا ئەوقافێ‌ خوبەخش كار دكەم و هەتا نوكە وەزارەتا ئەوقافێ‌ ئێك دینار بۆ ئاینێ‌ زەردەشتیا خەرج نەكریە.
ئاشكرا ژی كر: سالا دەرباز بووی سەرەدانا هندستان و كالیفورنیا سەرەدانا وان زەردەشتیا یا كری وان زەردەشتیا سوزدایە مە وان جهێن شێنوارێن زەردەشتیا یێن هەرێما كوردستانێ‌ نویژەن بكەن ئەگەر حكومەتا هەرێمێ‌ پشتەڤان و هاریكار بیت وان جها هەموویان دێ‌ كەنە شۆێنەوار و گەشتیاری خەلك ل هەموو جیهانێ‌ سەرەدانا وان بكەن و ببیتە داهاتەك بۆ حكومەتێ‌، ل دەڤەرا بادینان گەلەك جهێن شینواری یێن زەردەشتیا هەنە ناهێنە بەرزە كرن ئەو جهێن شینواری چوار دەرگەهـ تێدا هەنە.
ل دوماهیێ‌ ژی گوت: لژێر سایەیا سەرای زەردەشتیا ل حەفتیا دەرباز بووی فراكسیونەك هاتیە دامەزراندن بۆ هەموو هەرێما كوردستانێ‌، هەموو رێكخراوێن سەر ب ئاینێ‌ زەردەشتیا دێ‌ ڤەگەرن بارەگای سەرەكی ل سلێمانیێ‌ و چ كەسەك نەشێت بێی ڤێ‌ سایێ‌ رێكخراوەك یان فراكسیونەك دامەزرینیت، هەروەسا بزاڤ دهێتەكرن رێكخراوێن زەردەشتیا ل سەرانسەری كوردستانێ‌ بهێتە دامەزراندن.


زۆرترین بینراو
© 2024 Awene Online, Inc. All Rights Reserved.
×