ئیدارەی راگەیاندنی وزەی ئەمریکا رایگەیاند، هەناردەی نەوتی عێراق بۆ ئەمریکا لە ماوەی هەفتەی رابردوودا زیادیکردووە.
خشتەی ئیدارەی ئەمەریکا، دەریخستووە تێکڕای هاوردەکردنی نەوتی خاوی ئەمریکا لە ماوەی هەفتەی رابردوودا لە 9 وڵاتی گەورە هەناردەکاری نەوتەوە گەیشتووەتە 4.490 ملیۆن بەرمیل لە رۆژێکدا.
ئاماژەی بەوەشکرد، هەفتەی رابردوو هەناردەی نەوتی عێراق بۆ ئەمریکا 206 هەزار بەرمیل لە رۆژێکدا بووە، بە بەراورد بە هەفتەی پێشتر 128 هەزار بەرمیل لە رۆژێکدا زیادیکردووە، بە تێکڕا گەیشتووەتە 64 هەزار بەرمیل لە رۆژێکدا”.
ئاماژەی بەوەشکردووە زۆرینەی هاوردەی نەوتی ئەمەریکا لە ماوەی هەفتەی رابردوودا لە کەنەداوە بە تێکڕا 3.270 ملیۆن بەرمیل لە رۆژێکدا بووە.