مەسرور بارزانی، سەرۆكی حكومەتی هەرێم كەمێك لەمەوبەر لە پەیامێكدا رایگەیاند، دوای هەوڵ و کۆششێکی زۆر، توانرا چارەسەرێکی گونجاو بۆ کێشەی خەرجکردنی موچەی فەرمانبەران و موچەخۆرانی هەرێم دابنرێت، دەشڵێت، هەوڵدەدەین بەر لە جەژن دەست بە دابەشكردنی موچەی مانگی سێ بكرێت.
ئاوێنە: مەسرور بارزانی، سەرۆكی حكومەتی هەرێم، ئێوارەی ئەمڕۆ چوارشەممە، لە پەیامێكدا لە لاپەڕەی تایبەتی خۆی لە فەیسبوك وتی"دوای هەوڵ و کۆششێکی زۆر، بە هاوکاریی هەردو تیمی سەرۆک وەزیرانی حکومەتی فیدرال و تیمی حکومەتی هەرێمی کوردستان، توانرا چارەسەرێکی گونجاو بۆ کێشەی خەرجکردنی موچەی فەرمانبەران و موچەخۆرانی هەرێم دابنرێت."
سەرۆكی حكومەتی هەرێم وتوشیەتی"سوپاسی سەرۆک وەزیرانی فیدراڵ بەرێز محەمەد شیاع سودانی و هەمو ئەو هێزو لایەنانه دەکەم کە هاوکاربون تاکو پێکەوە بتوانین بە سەر ئەو کۆسپ و تەگەرانەدا زاڵ ببین."
مەسرور بارزانی ئاماژەی بەوەشدا "لە ماوەی ڕابردودا، هەوڵی زۆر دراوە کە هاوڵاتییانی هەرێم نائومێد بکرێن، بۆیە جارێکی دیکەش سوپاسی خۆڕاگریی فەرمانبەران و موچەخۆرانی هەرێم دەکەم."
لەبارەی دابەشكردنی موچەی مانگی سێی موچەخۆرانی هەرێم، سەرۆكی حكومەتی هەرێم وتویەتی"لەم دو ڕۆژەدا دابەشکردنی موچەی مانگی شوبات کۆتایی دێت و هەوڵ دەدەین بەر لە جەژن، دەست بە دابەشکردنی موچەی مانگی ئاداریش بکرێت."
دەقی پەیامەكەی مەسرور بارزانی:
دوای هەوڵ و کۆششێکی زۆر، بە هاوکاریی هەردو تیمی سەرۆک وەزیرانی حکومەتی فیدرال و تیمی حکومەتی هەرێمی کوردستان، توانرا چارەسەرێکی گونجاو بۆ کێشەی خەرجکردنی موچەی فەرمانبەران و موچەخۆرانی هەرێم دابنرێت.
سوپاسی سەرۆک وەزیرانی فیدراڵ بەرێز محەمەد شیاع سودانی و هەمو ئەو هێز و لایەنانه دەکەم کە هاوکار بون تاکو پێکەوە بتوانین بە سەر ئەو کۆسپ و تەگەرانەدا زاڵ ببین.
لە ماوەی ڕابردودا، هەوڵی زۆر دراوە کە هاوڵاتییانی هەرێم نائومێد بکرێن، بۆیە جارێکی دیکەش سوپاسی خۆڕاگریی فەرمانبەران و موچەخۆرانی هەرێم دەکەم.
لەم دو ڕۆژەدا دابەشکردنی موچەی مانگی شوبات کۆتایی دێت و هەوڵ دەدەین بەر لە جەژن، دەست بە دابەشکردنی موچەی مانگی ئاداریش بکرێت.
مەسرور بارزانی
سەرۆکی حکومەتی هەرێمی کوردستان
2024/4/3