بریكاری پێشووتری وەزارەتی دارایی عێراق، رایگەیاند، “سودانی بڕیاری ناردنی مووچەی هەرێمی داوە”.
ئاوێنە: د. فازڵ نەبی، بریكاری پێشووتری وەزارەتی دارایی عێراق، رایگەیاند، “محەمەد شیاع سودانی، سەرۆک وەزیرانی عێراق، بڕیاری ناردنی مووچەی مووچەخۆر و فەرمانبەرانی هەرێمی داوە”.
باسی لەوەشکرد، “وەزیری دارایی عێراق گرفتی لەگەڵ داهاتی ناوخۆی هەرێم هەبووە و ئەوەش هۆکاربووە بۆ دواکەوتنی مووچە”.
د. فازڵ نەبی، ئەوەشی خستەڕوو، “پارەی پێویست بۆ مووچە هەیە و ئێستا عێراق کێشەی نەختینەی نییە و مووچەی مووچەخۆر و فەرمانبەرانی عێراق دوانەکەوتووە”.