نیویۆرک تایمز لەزاری دوو بەرپرسی سەربازیی ئیسرائیلییەوە رایگەیاندووە، تەلئەبیب لەمیانی گفتوگۆکانی ئەمدواییەی نێوان واشنتۆن و تاران، زیاتر لە ڕێگەی ناڕاستەوخۆوە لە بەرەوپێشچوونەکان ئاگادار دەکرێتەوە.
ئاوێنە: دوو بەرپرسی سەربازی ئیسرائیل کە ناوەکانیان ئاشکرا نەکراوە لە راپۆرتێکدا بە رۆژنامەی نیویۆرک تایمزیان وتووە، ئەمریکا بە نزیکەیی بە تەواوی ئیسرائیلی لە دانوستانەکان لەگەڵ ئێران دوورخستووەتەوە.
هەر بەگوێرەی راپۆرتەکە، ئیسرائیل هیچ جۆرە ڕۆڵێکی لە گفتوگۆکانی پەیوەست بە ئاگربەستدا نەبووە و لە ڕەوتی دانوستانەکانی نێوان واشنتۆن و تاران لە ڕێگەی کەناڵە دیپلۆماسییە ناوچەییەکان و هەروەها ئەو زانیارییانەی لەڕێگەی چاودێریی هەواڵگرییەوە بەدەست هاتوون، ئاگادار بووەتەوە.