ڕێبەر باڵای ئێران ڕایگەیاند، ئەمریکا وەک جاران هەژموونی لە ناوچەکەدا نەماوە، چیتر وڵاتانی نابنە قەڵغانی پاراستنی بنکە سەربازییەکانی ئەو وڵاتە.
ئاوێنە: میدیاکانی ئێران پەیامێکی نوسراوی موجتەبا خامنەیی ڕێبەر باڵای ئێرانیان بەبۆنەی جەژنی قوربان بڵاوکردەوە و تیایدا وتویەتی "هەرگیز گەڕانەوە بۆ دواوە نییە، هاوسەنگی لە ناوچەی کەنداو گۆڕانکاری بەسەردا هاتووە، گەل و خاکی ناوچەکە چیتر نابێتە قەڵغان بۆ پاراستنی بنکە ئەمریکییەکان".
خامنەیی زیاتری وت "چیتر ئەمریکا وەک جاران هەژموونی لە ناوچەکەدا نەماوە، هیچ سازشێک لەسەر بنەما بنەڕەتییەکانی ئێراندا ناکرێت و خۆ بەدەستەوەدان نییە".